“Lester” hujumchisi Jeymi Vardi “Bornmut”ga qarshi o‘yin oldidan fikr bildirdi.
“Albatta, gol urgandagi quvonchni so‘z bilan ta’riflab bo‘lmaydi. Ammo agar mening golim “Lester”ga g‘alaba keltirmasa, u hech narsaga arzimaydi. Ayni paytda bizda atigi to‘rt ochko bor, bu judayam xunuk holat. Shu bois “Bornmut”ni mag‘lub etishimiz shart. Bizni oldinda top-klublarga qarshi o‘yinlardan iborat qiyin jadval kutib turibdi. Biroq bu bahona bo‘la olmaydi. APLda hech qaysi jamoaga oson bo‘lmaydi. Har bir raqibga qarshi sovuqqon o‘ynash va gol urish kerak”, dedi Vardi.
