Italiya “A” seriyasining 7-turidan o‘rin olgan “Atalanta” – “Yuventus” bahsi yakuniga yetdi. Unda 2:2 hisobi qayd etilib, “Yuventus” tayyor g‘alabani qo‘ldan boy berdi.

Dastlab, Bernardeski 21-daqiqada o‘zining “Yuventus” uchun ilk golini urib hisobni ochgan bo‘lsa, oradan uch daqiqa o‘tib, Iguain ham o‘z nomiga gol yozib qo‘ydi. Lekin mezbonlar o‘yinning 67-daqiqasiga kelib oradagi ikki farqni yo‘qqa chiqarishga erishdi.

O‘yinning 84-daqiqasiga kelib, Paulo Dibala 11 metrlik jarima zarbasini amalga oshirolmadi va shu tariqa “Yuventus” mavsumdagi dastlabki ochkosini “Atalanta”ga qarshi uchrashuvda yo‘qotdi.

«Atalanta» – «Yuventus» – 2:2 (1:2)

Gollar: Kaldara 31, Kristante 67 — Bernardeski 21, Iguain 24.

«Atalanta»: Berisha, Kaldara, Palomino, Masiyello, Froyler, Kristante (De Ron 88), Spinassola, Xatebur, Kornelius (Ilichich 32), Gomes, Kurtich (Petanya 56).

«Yuventus»: Buffon, Kyellini, Benatia, Asamoa, Lixtshtayner (Barsali 66), Dibala, Matyuidi, Bentankur, Iguain, Manjukich (Kosta 78), Bernardeski (Kuadrado 69).

Ogohlantirishlar: Lixtshtayner 58, Gomes 64, Palomino 81, Petanya 82.

Amalga oshirilmagan penalti: Dibala 84.