Italiya terma jamoasining sobiq hujumchisi Alberto Jilardinyo faoliyatini Italiya «V» seriyasi ishtirokchisi «Spesiya” klubida davom ettiradi. Bu haqda klub rasmiy saytida xabar berilmoqda.

Italiya OAVlarining xabariga ko‘ra, Jilardinoning «Spesiya»dagi shartnomasi ikki yilga mo‘ljallangan. Alberto yangi klubi safida 10-raqamda o‘ynaydi.

Faoliyati davomida Jilardinyo «Pyachensa», «Verona», «Parma», «Milan», «Fiorentina», «Jenoa», «Bolonya», «Guanchjou Evergrand», «Palermo» va «Empoli» kabi jamoalarda o‘ynagan.

«Spesiya» 7-turdan keyin "V" seriyada 11-o‘rinni egallab turibdi.35 yoshli futbolchining oldingi jamoasi "Peskara" bo‘lgandi.