Италия терма жамоасининг собиқ ҳужумчиси Альберто Жилардиньо фаолиятини Италия «В» серияси иштирокчиси «Специя” клубида давом эттиради. Бу ҳақда клуб расмий сайтида хабар берилмоқда.

Италия ОАВларининг хабарига кўра, Жилардинонинг «Специя»даги шартномаси икки йилга мўлжалланган. Альберто янги клуби сафида 10-рақамда ўйнайди.

Фаолияти давомида Жилардиньо «Пьяченца», «Верона», «Парма», «Милан», «Фиорентина», «Женоа», «Болонья», «Гуанчжоу Эвергранд», «Палермо» ва «Эмполи» каби жамоаларда ўйнаган.

«Специя» 7-турдан кейин "В" серияда 11-ўринни эгаллаб турибди.35 ёшли футболчининг олдинги жамоаси "Пескара" бўлганди.