«Барселона» бош мураббийи Ханс-Дитер Флик ярим ҳимоячи Брайан Фариньяснинг сотилишига тўсқинлик қилди.
20 ёшли футболчи мавсумолди машғулотларидан бирида немис мураббийини шу қадар ҳайратга солганки, Флик спорт директори Декудан уни «Жирона»га 3 миллион еврога сотиш бўйича келишувни бекор қилишни сўраган. Бу ҳақда журналист Луис Рохо хабар берди.
«Ла Масия» тарбияланувчиси ўзининг универсаллиги билан ажралиб туради: у ҳужумкор ярим ҳимоячи, таянч ярим ҳимоячи ва қанот ҳимоячиси позицияларида ўйнай олади.
Брайан Фариньяс ҳали «Барселона» асосий жамоаси сафида дебют қилмаган. Ярим ҳимоячи жорий Ла Лига мавсумида каталонияликлар ўтказган учта учрашувнинг барчасида захирада қолди.
