АЗ ярим ҳимоячиси Кес Смит ёзда «Реал»нинг трансфер мақсадларидан бири бўлган. Мадридликлар нидерландиялик футболчининг салоҳиятини юқори баҳолаганди.
Бироқ Смит Нидерландияда қолишга қарор қилди. Унинг айтишича, клубдагилар уни кетмасликка кўндирган.
«Ростини айтсам, дастлаб жамоадан кетаман, деган ҳис бор эди. Аммо кейин мураббий менинг қолишимни жуда исташини билдим.
Бу ерда ўзимни яхши ҳис қиламан, атрофимда дўстларим ва оилам бор. Шунинг учун қолдим.
Ўн кун олдин суҳбатлашдик ва шундан кейин АЗ мени бошқа қўйиб юборишни истамади.
Мен буни ижобий қабул қилдим, чунки бу ерда ҳали ишим тугамаганини ҳис қиляпман.
Дастлаб мен ҳақимда ёзилаётган хабарларни кўп ўқирдим, кейин эса бунга камроқ эътибор бера бошладим. Чунки айрим маълумотлар ҳақиқатга тўғри келмайди. Бундай вазиятга яхши мослаша оламан. Қисқаси, ҳозир шу ердаман ва бундан хурсандман», — деди Смит.
