«Ан-Наср» бош мураббийи Ангелос Постекоглу Саудия клуби ва Португалия терма жамоаси ҳужумчиси Криштиану Роналду ҳақида фикр билдирди.

«Мен буюк футболчилар билан ишлаш бахтига муяссар бўлганман ва уларнинг барчаси шахсияти қандай бўлишидан қатъи назар, бир хил фазилатларга эга.

Уларнинг барчаси ниҳоятда мотивацияга эга ва диққатини мақсадига жамлайди. Одамлар: “Улар билан қандай ишлайсиз?” деб сўрашади. Бир пайтлар бу клубнинг собиқ мураббийи жуда тўғри таъкидлаган эди: баъзан одамлар буюк футболчилар билан ишлаш ўзини буюк деб ҳисоблайдиган футболчилар билан ишлашдан анча осонроқ эканини тушунишмайди.

Чунки буюк футболчилар қаттиқ меҳнат қилади. Улар мотивацияга эга. Улар тўғри иш тутади. Мураббий ёки менежер сифатида сен ҳам: “Мен ҳам шундай бўлишини хоҳлайман”, деб ўйлайсан.

Бу Роналдуда ҳам сезилади: у ҳали ҳам жуда кучли мотивацияга эга, унинг мақсадлари ҳали ҳам жуда аниқ. У 1000 та гол уришга яқин қолди ва бу ҳақиқатан ҳам ақлбовар қилмас натижа бўлади», — дея Постекоглунинг сўзларини ESPN келтирмоқда.

Аввалроқ Роналду бўлажак мавсум унинг фаолиятидаги сўнгги мавсум бўлиши мумкинлигини айтган эди.