«Барселона» тарихда биринчи марта бир йиллик даромад бўйича 1 миллиард евро чегарасидан ошди. Клуб томонидан эълон қилинган 2025/26 мавсум молиявий ҳисоботида рекорд кўрсаткич қайд этилган. Бу ҳақда Yahoo Sports хабар берди.

Даромад ўсишининг асосий омили жамоанинг 2025 йил ноябрь ойида «Камп Ноу» стадионига қайтгани бўлди. Шу билан бирга, стадион реконструкцияси ҳали якунланмагани сабабли арена сиғими 42 минг томошабин билан чекланган эди.

«Барселона», шунингдек, ҳомийлик даромадлари ошгани ва BLM орқали клуб атрибутикаларининг рекорд даражада сотилганини қайд этди.

Мавсумнинг молиявий натижалари 19 сентябрь куни клуб аъзоларининг умумий йиғилишида тақдим этилади.