"Bavariya" klubini boshqarish uchun yana bir nomzod paydo bo‘ldi. Myunxenliklar rahbariyati bugun "Barselona" klubi sobiq bosh murabbiyi Luis Enrike bilan muzokara o‘tkazishi kutilmoqda. Bu haqda Germaniyaning Sport1 nashri xabar tarqatdi.
Manbaga ko‘ra, «Bavariya» rahbariyati Tomas Tuxelni emas, aynan Enrikeni jamoa boshqaruviga olib kelmoqchi.
"Barselona"dagi 3 yillik faoliyati davomida barcha sovrinlarni qo‘lga kiritgan Luis Enrike 2017 yilning yozida "ko‘k-anorranglilar" safini tark etganidan keyin ishsiz yurgandi.