"Spartak" yarim himoyachisi Kvinsi Promes yana bir bor "Liverpul" qiziqishlari doirasida.
Mersisaydliklar gollandiyalik futbolchi bilan yozgi transferlar oynasi vaqtida muzokaralar o‘tkazgandi. Ammo ma’lum sabablarga ko‘ra, 25 yoshli xavbekning transfer ishlari qishga ko‘chirilgandi. Bu haqda Transfer Market Web nashri tomonidan xabar berildi.
Oldinroq Kvinsi Promesning xizmatlariga "Arsenal" va "Everton" tomonidan qiziqishlar bo‘lgani haqida ma’lumotlar paydo bo‘lgandi. Uning "Spartak" bilan shartnomasi 2021 yilda yakunlanadi.
Kvinsi Promes Rossiya jamoasi uchun 2014 yilning avgustidan buyon o‘ynamoqda. Promes "Tvente" jamoasidan € 20 mlnga xarid qilingan.
