Norvegiya erkaklar terma jamoasi futbolchilari ayollar terma jamoasidagi hamkasblariga yordam qo‘lini cho‘zishga qaror qildi.

NRK xabariga ko‘ra, ular maoshining bir qismini ayollarga berish haqida qaror qabul qilgan. Natijada har ikkala terma jamoa futbolchilarining maoshi tenglashadigan bo‘ldi.

Bundan oldin, erkaklar ayollarga qaraganda ikki barobar ko‘p maosh olar edi.

«Shu paytgacha, maoshimiz orasida katta farq bo‘lardi. Endi esa ish haqi tenglashadi, bu bilan ayollarga yordam bermoqchimiz. Bundan tashqari, biz Norvegiya futbolini rivojlantirmoqchimiz.

Ayollar terma jamoasi mamlakat uchun erkaklar terma jamoasi kabi muhimdir», — dedi yarimhimoyachi Stefan Yohansen.

Eslatib o‘tamiz, Norvegiya ayollar terma jamoasi bir marta Jahon chempionati, 2 marta Yevropa chempionatida g‘alaba qozongan. Erkaklar terma jamoasida bunday yutuqlar yo‘q.