“Barselona” hujumchisi Messining shartnomasi 2018 yilning yozida yakuniga yetadi. Klub rahbariyati esa u bilan yangi shartnoma borasida kelishuvga erisha olmayapti. Hatto futbolchiga jamoada qolishi uchun 89 mln funt taklif qilindi, vaholanki, Messi haftasiga 557 ming funt maosh oladi.
Messi keyingi yil yozida “Manchester Siti”ga o‘tish variantini ko‘rib chiqmoqchi. Bunga uni uchta sabab majbur qilmoqda. Birinchisi Neymarning “PSJ”ga o‘tgani, ikkinchisi klub boshqaruviga Ernesto Valverdening kelgani, uchinchisi esa Kataloniyadagi siyosiy mojarolar.
“Manchester Siti” rahbariyati Messining agenti bilan juda ko‘p marotaba uchrashishdi. Agar futbolchi shartnomasini uzaytirmasa, yozda “Manchester Siti”ga tekinga o‘tishi mumkin.