“Tottenxem” ustozi Maurisio Pochettino Gvardiolani nomardlikda ayblayapti. Unga Gvardiolaning London klubini “Keyn jamoasi” deyishi yoqmagan ko‘rinadi.

“Gvardiolani yaxshi bilaman, u har doim g‘alabaga intilgan. Biroq odam jentlmen bo‘lishi kerak. Ammo u ko‘pchilikka xush kelmaydigan gaplarni aytib yuribdi. To‘g‘ri, men parvo qilmayman, ammo bu gaplar ko‘pchilikka yoqmasligi aniq.

Gvardiola o‘z vaqtida “Barselona”da Messining yordami bilan ko‘p yutuqlarga erishgan. Ammo men o‘shanda “Barselona”ni “Messining jamoasi” demaganman. O‘ylashimcha, bunday gaplar jamoa va boshqa futbolchilar uchu hurmatsizlikdir”, dedi Pochettino.