Vinger Rafinya «Barselona»dagi kelajagi haqida o‘ylanib qolgan. Bu haqda sport.es portali xabar bermoqda. Futbolchi klub rahbariyati bilan o‘zining ichki holati va ayrim shubhalari borasida suhbatlashgan. Biroq bu yerda gap nizo yoki inqiroz haqida ketmayapti — bu ko‘proq faoliyatini shaxsiy qayta baholash jarayonidir.
Joriy mavsumda braziliyalik futbolchi jarohatlar tufayli bir qator o‘yinlarni o‘tkazib yubordi va bu uning ruhiy holatiga ta’sir qilib, o‘yinlarida beqarorlik kuzatilishiga sabab bo‘ldi. Shunga qaramay, Rafinyaning statistikasi yuqoriligicha qolmoqda (31 o‘yinda 19 ta gol va 8 ta golli uzatma).
Rafinya o‘z faoliyati bo‘yicha yakuniy qarorni mavsum tugaganidan so‘ng va ehtimol, Jahon chempionatidagi ishtirokidan keyin qabul qiladi. Futbolchining asosiy motivasiyasi — Chempionlar ligasida g‘olib chiqish va «Oltin to‘p» uchun kurashishdir. Klub rahbariyati esa braziliyalik futbolchi jamoani tark etmasligiga umid qilmoqda.
