«Galatasaroy» hujumchisi Viktor Osimxen faoliyatini top-klubda davom ettirishi mumkin. Diario SPORT nashrining xabariga ko‘ra, Madridning «Real» klubi forvardni o‘z safiga qo‘shib olishga qiziqish bildirmoqda. Turkiya klubi o‘z futbolchisi uchun 150 million yevro miqdorida narx belgiladi.
Shuningdek, nigeriyalik hujumchining transferi uchun «Arsenal», «Liverpul», «Barselona» va «Yuventus» klublari ham kurashga kirishgan. Viktor Osimxen 2025 yilda «Napoli»dan «Galatasaroy»ga 75 million yevro evaziga o‘tgan edi. Uning klub bilan amaldagi shartnomasi 2029 yilning 30 iyuniga qadar mo‘ljallangan.
Joriy mavsumda hujumchi turk klubi safida barcha turnirlarda 31 ta o‘yinda maydonga tushib, 20 ta gol urdi va 7 ta golli uzatmani amalga oshirdi.
