Angliya chempionatining 8-turidan o‘rin olgan “Uotford” – “Arsenal” uchrashuvi yakuniga yetdi. Unda mezbonlar kuchli “Arsenal” jamoasini 2:1 hisobida mag‘lubiyatga uchratishdi.
O‘yinda dastlab “Arsenal” hisobni ochdi. Burchakdan yo‘llangan to‘pni Per Mertezaker bosh bilan darvozaga joylab qo‘ydi.
Biroq mag‘lubiyatga uchrayotgan “Uotford” bugun o‘z kuchiga ishondi va hujum uyushtirishda davom etdi. Ketma – ket hujumlar samarasi 71-daqiqadan so‘ng o‘z natijasini berdi.
Dinining penaltidan kiritgan goli oradagi farqni tenglashtirgan bo‘lsa, Kleverlining so‘nggi daqiqalarda urgan goli “Uotford”ga “Arsenal” ustidan irodali va sensasion g‘alabani taqdim etdi.
“Uotford” – “Arsenal” 2:1 (0:1)
Gollar: Dini 71 (penalti), Kleverli 90+3 - Mertezaker 39.
“Uotford”: Gomes, Mariappa (Karrilyo 63), Kabasele, Xolebas, Britos, Kleverli, Pereyra (Kapu 81), Risharlison, Dukure, Femeniya, Grey (Dini 63).
“Arsenal”: Chex, Mertesaker, Monreal, Kolashinas, Kosyelni, Djaka, El-Nenni, Ivobi, Belyerin, Uelbek (Ozil 61), Lyakazett (Jiru 68).
Ogohlantirishlar: Kabasele 64.
