«Barselona» bosh murabbiyi Ernesto Valverde Ispaniya kubogi 1/16 final bosqichi doirasida «Mursiya»ga qarshi bo‘lib o‘tgan dastlabki o‘yin (3:0) borasida o‘z fikrlarini bildirib o‘tdi.

«Bu Kubokka xos o‘yin bo‘lib o‘tdi. Raqibimiz ancha hayajonlandi. Biz hujumda keskin o‘ynashga harakat qildik. Birinchi bo‘limda hamma o‘ylagan ishimiz amalga oshmadi. Ikkinchi bo‘limda esa ikkita gol urishga muvaffaq bo‘ldik. To‘g‘ri, raqib ham vaqti-vaqti bilan yaxshi o‘ynadi. Lekin zaxira tarkibiga imkoniyat berib, g‘alaba qozonganimizdan xursandman. O‘ylaymanki, futbolchilar ham xursand bo‘lishdi.

Arnais o‘ziga ishongan futbolchi. Aqliy jihatdan aniq harakat qiladi. Bugungi o‘yin u uchun dastlabki qadam bo‘ldi. O‘ylaymanki, kelajakda bizga uning yordami tegadi», — dedi Valverde.