“Bavariya” klubi bosh murabbiyi Yupp Xaynkes ”RB Leypsig”ga qarshi kechgan Germaniya chempionatining 10-tur uchrashuvidan so‘ng o‘z fikrlarini bildirdi.

“Kubok bahsidan keyin bu o‘yinga jiddiy ruhiy tayyorgarlik bilan maydonga tushdik. Ijobiy natijani ko‘zlagandik.

Albatta, 14-daqiqada o‘n kishi bo‘lib qolgan “Leypsig”ga oson bo‘lmadi, ammo mening jamoam o‘yin tizginini o‘z qo‘liga olib, aqlli harakatlangandi.

Ha, biz ko‘proq gol urishimiz mumkin edi, ammo yaxshi himoyalanish va tavakkal qilmaslik muhimroq edi. Bu menga yoqdi”, — deydi mutaxassis.