«Barselona» klubi bosh murabbiyi Ernesto Valverde «Olimpiakos»ga qarshi uchrashuv oldidan La-ligadagi raqobat hamda «Olimpiakos» muxlislari va jamoada o‘tkazgan paytlari haqida qisqacha gapirib o‘tdi.

Eslatib o‘tamiz, Valverde 2008/2009 va 2010/2012 yillar mavsumida «Olimpiakos»ni boshqargan.

«Oxirgi tur o‘yinlari ko‘rsatmoqdaki, Ispaniya chempionati o‘yinlari ham murakkablashib bormoqda. Masalan, biz Bilbaoda og‘ir o‘yin o‘tkazdik, «Real» «Jirona» oldida ojiz qoldi, «Atletiko» ochko yo‘qotdi, «Valensiya» va «Sevilya» ham og‘ir o‘yinlar o‘tkazishdi.

Klublarning orasidagi farq ham unchalik katta emas. Shunday ekan har qanday vaziyatga oldindan tayyor turish uchun tinimsiz ishlashimiz kerak.

Oldin «Olimpiakos»da ishlaganman va ishonamanki, muxlislar meni iliq kutib olishadi. Shubhasiz, ular har doimgidek o‘z suyuklilarini tinmay qo‘llab turishadi.

Jamoa safida men uchun ichki chempionat, mamlakat kubogi va yevrokublarda esda qolarli uchrashuvlar juda ko‘p bo‘lgan. Ularni ichidan qaysidir birini ajratib ko‘rsata olmayman».