“Bavariya” klubinnig sobiq bosh murabibyi Karlo Anchelotti qaysidir klubda ish boshlashi haqidagi xabarlarning barchasi yolg‘on ekanligi haqida aytib o‘tdi.
Eslatib o‘tamiz, Yevropa OAVlari Anchelottini gohida Xitoyning “Guanchjou Evergrand” klubiga yoki “Chelsi”da Antonio Konte o‘rnida ish boshlashi haqida asossiz xabarlar tarqatishmoqda.
“Meni har kuni yangi klubda ish boshlashim mumkinligi haqida xabarlar yog‘dirishadi. Oxirgisi “Chelsi” klubi bo‘ldi. Bu esa mening do‘stim Antonio Konte qulog‘iga yetib boribdi.
Men Konte bilan gaplashib turaman. Bunday noo‘rin mish-mishlar umuman haqiqatdan yiroq hisoblanadi. Ba’zida OAV meni “Everton” yoki Xitoy terma jamoasiga yuboradi.
Hozirda o‘z taqdirimi haqida aniq bir narsa deya olmayman. Kelinglar bu haqda keyingi yilning iyun oyida gaplashib olsak.
Ayni vaqtda dam olishni istayman”, — deydi Anchelotti Anch'Io Sport nashriga bergan intervyusida.
