3 noyabr kuni "Paxtakor" oliy liganing 27-turida Jizzaxda "So‘g‘diyona" mehmoni bo‘ladi.
Chempionlar ligasi yo‘llanmasi uchun kurashni davom ettirayotgan jamoamiz uchun har bir uchrashuv muhim ahamiyat kasb etadi. Bellashuvni mezbonlardan Ixtiyor Toshpo‘latov diskvalifikasiya sababli o‘tkazib yuboradi. "Paxtakor"da bunday yo‘qotish mavjud emas.
Oliy liga tarixida jamoalar 43 bor kuch sinashishgan. 35 uchrashuvda "sherlar" g‘olib bo‘lishgan. 4 martadan durang va raqib muvaffaqiyati kuzatilgan. 114 bor "So‘g‘diyona" darvozasini ishg‘ol qilgan jamoamiz 37 gol o‘tkazib yuborgan.
Jizzaxdagi 21 o‘yinning 15tasida "Paxtakor" zafar quchgan. Mezbonlar hisobida uch g‘alaba mavjud. Uchta bellashuvda kuchlar teng kelgan. Mehmonda so‘nggi uch o‘yinda jamoamiz ketma-ket g‘alaba qozongan.
O‘yinni Temur To‘xtasinov boshchiligidagi hakamlar guruhi boshqaradi. U oliy ligada "Paxtakor" ishtirokida jami 7 uchrashuvda ishlagan. Unda 5 g‘alaba va 2 durang qayd etilgan.
"SO‘G‘DIYONA" - "PAXTAKOR"
Hakamlar: Temur To‘xtasinov (Andijon), Ziyodilla Abdurahmonov (Andijon), Anvar Marajabov (Andijon), Dilshod Karimov (Toshkent).
Nazoratchi: Aleksandr Popov (Toshkent).
O‘zPFL vakili: Vladimir Shtern.
Yoshlar ligasi bahsi 2 noyabr kuni soat 15:00 da “So‘g‘diyona” qarorgohida boshlanadi. Asosiy tarkib uchrashuvi 3 noyabr, juma kuni 17:00 da “So‘g‘diyona” stadionida start oladi.
