O‘zbekiston yoshlar terma jamoasi bugun, 2 noyabr kuni U-19 Osiyo chempionati saralash bosqichidagi o‘z ishtirokini boshladi. Aleksandr Mochinov shogirdlari dastlabki bahsni Shri-Lankaga qarshi o‘tkazib, yirik 10:0 hisobida g‘alaba qozonishdi.
Terma jamoamiz safida Jahongir Abdusalomov 4ta gol kiritgan bo‘lsa, Islom Kenjaboyev va Sanjar Zokirov dubl qayd etishdi. Shuningdek, Dilshod Saidov va Akmal Mozgovoy bittadan golga mualliflik qilishdi.
Aleksandr Mochinov shogirdlari Osiyo chempionati saralashi doirasidagi kelgusi bahsni 4 noyabr kuni Maldiv orollari terma jamoasiga qarshi o‘tkazishadi. Uchrashuv Toshkent vaqti bilan soat 12:00da boshlanadi.
U-19 Osiyo chempionati saralash bosqichi
2 noyabr, 2-tur
Pomir stadioni, Dushanbe
Shri Lanka – O‘zbekiston 0:10
Gollar: Jahongir Abdusalomov (3, 21, 78, 89), Dilshod Saidov (11), Islom Kenjaboyev (18, 25), Sanjar Zokirov (63, 67), Akmal Mozgovoy (83)
O‘zbekiston U-19: Umidjon Ergashev, Alisher Salimov, Dilshod Saidov, Suxrob Izzatov, Boburjon Asqarov, Rasul Yo‘ldoshev, Islom Kenjaboyev (Asadbek Sobirjonov, 56), Ibrohim Yo‘ldoshev (Jasurbek Ermamatov, 46), Akmal Mozgovoy, Sanjar Zokirov (Jasur Rahimov, 67), Jahongir Abdusalomov
Shri-Lanka U-19: M.Asras, A.Kavidu, P.Kavinda (CHamat Rashmitxa, 66), P.Kumara (K.Sajentan, 70), S.Dilxara, A.Modushan (N.Malshan, 79), J.Rifxan, Razuniya M.SHabir, M.Aman, V.Madumal, S.Txivanka.
Hakam: Ammar Ibrohim Hasan Mahfud (Bahrayn).
