Ўзбекистон ёшлар терма жамоаси бугун, 2 ноябрь куни U-19 Осиё чемпионати саралаш босқичидаги ўз иштирокини бошлади. Александр Мочинов шогирдлари дастлабки баҳсни Шри-Ланкага қарши ўтказиб, йирик 10:0 ҳисобида ғалаба қозонишди.
Терма жамоамиз сафида Жаҳонгир Абдусаломов 4та гол киритган бўлса, Ислом Кенжабоев ва Санжар Зокиров дубль қайд этишди. Шунингдек, Дилшод Саидов ва Акмал Мозговой биттадан голга муаллифлик қилишди.
Александр Мочинов шогирдлари Осиё чемпионати саралаши доирасидаги келгуси баҳсни 4 ноябрь куни Мальдив ороллари терма жамоасига қарши ўтказишади. Учрашув Тошкент вақти билан соат 12:00да бошланади.
U-19 Осиё чемпионати саралаш босқичи
2 ноябрь, 2-тур
Помир стадиони, Душанбе
Шри Ланка – Ўзбекистон 0:10
Голлар: Жаҳонгир Абдусаломов (3, 21, 78, 89), Дилшод Саидов (11), Ислом Кенжабоев (18, 25), Санжар Зокиров (63, 67), Акмал Мозговой (83)
Ўзбекистон U-19: Умиджон Эргашев, Алишер Салимов, Дилшод Саидов, Сухроб Иззатов, Бобуржон Асқаров, Расул Йўлдошев, Ислом Кенжабоев (Асадбек Собиржонов, 56), Иброҳим Йўлдошев (Жасурбек Эрмаматов, 46), Акмал Мозговой, Санжар Зокиров (Жасур Раҳимов, 67), Жаҳонгир Абдусаломов
Шри-Ланка U-19: М.Асрас, А.Кавиду, П.Кавинда (Чамат Рашмитха, 66), П.Кумара (К.Сажентан, 70), С.Дилхара, А.Модушан (Н.Малшан, 79), Ж.Рифхан, Разуния М.Шабир, М.Аман, В.Мадумал, С.Тхиванка.
Ҳакам: Аммар Иброҳим Ҳасан Маҳфуд (Баҳрайн).
