Bugun o‘rinbosarlarimiz Buxorodagi “Umid” stadionida “Buxoro” o‘rinbosarlariga qarshi maydonga tushishdi. Ushbu bahs har ikki jamoa uchun ham muhim ahamiyatga ega edi. 27-tur tur oldidan bu jamoalar turnir jadvalida yonma-yon joylashishgandi va bugun g‘alaba qozongan jamoa raqibidan uch ochkoga uzib ketish imkoniyatiga ega bo‘lardi.
O‘yinni vakillarimizlar ancha faol tarzda boshlashdi.
11-daqiqada hisobni ochishga yaqinlashdik. Abror Rahmonovning zarbasini darvozabon chiziqni ustida ushlab oldi.
Qolgan daqiqalarda har ikki jamoada ham darvozani ishg‘ol etish uchun bir qator vaziyatlar vuudga keldi. Ammo ulardan foydalanishga kelganda har ikki jamoaga omad yetishmadi. Natijada birinchi taymda hisobni ochish hech kimga nasib etmadi.
Ikkinchi bo‘limni ham vakillarimiz faollik bilan boshlashdi.
48-daqiqada raqib darvozasi oldida juda xavfli vaziyat ro‘y berdi. Raqib himoyachisi so‘nggi pallada jamoasi joniga oro kirdi. 50-daqiqada darvozamizga penalti belgilandi. Ammo bugun tug‘ilgan kunini nishonlayotgan yosh posbonimiz Islom Abdullayev mahorat ko‘rsatib penaltini qaytardi. 60-daqiqada Iqbol Malikjonovning zarbasi biroz noaniq ko‘rinish oldi. 63-daqiqada mezbonlar hisobni ochishlari mumkin edi. Ushbu vaziyatda himoyachilarimiz xatoga yo‘l qo‘yishgandi. Abdullayev yana bir marta bizni goldan qutqardi. 73-daqiqa maydon egalari bir kishi kam bo‘lib qolishdi. Zaxiradan o‘yinga qo‘shilgan Suhrob Ne’matov hakam tomonidan qizil kartochka bilan siylandi. Suhrob futbolchimizga «Zidan uslubida» kalla qo‘ygani uchun maydondan chetlatildi. 79-daqiqada Avilovning bosh bilan zarbasi salgina noaniq bo‘ldi.
Uchrashuvning so‘nggi daqiqalarida buxoroliklar katta kuch bilan hujumga tashlanishdi. Futbolchilarimiz ham ularga tezkor hujumlar bilan javob qaytarib turishdi.
O‘yin oxiriga qadar tablodagi nursiz durang o‘zgarishsiz qoldi. Shu tariqa, o‘rinbosarlarimiz ketma-ket uchinchi bahsda raqib darvozasiga yo‘l topa olishmadi.
Yoshlar ligasi
27-tur
"Buxoro" – “Qo‘qon-1912” – 0:0
Hakamlar: I. Xudoydotov, A. G‘iyosov, A. Lyapkin, G‘. Nurollayev.
Nazoratchi: A. Hotamov.
“Buxoro”: 25. Muhiddin Xudoyorov, 2. Kirill Pasichnik, 3. Rahmon Ochilov, 9. Anvar Jo‘rayev, 11. Akobir To‘rayev, 14. Mirfayz Muhiddinov, 18. Zohid Karimov, 21. Xurshil Olimov, 23. Burhon Hasanov, 29. Robbim Hasanov, 33. Narimon Hasanov.
Zaxira: 80. Shohjahon Nasimov, 7. Suhrob Ne’matov, 8. Behruz Shodmonov, 16. Behruz Zayliddinov, 17. Ravshan Yangiyev, 93. Elshod Dilmurodov, 97. Soli Karimov.
“Qo‘qon-1912”: 30. Islom Abdullayev, 4. Ma’mur Rahimov, 6. Dilshod Baratov, 7. Oybek Rustamov, 8. Baxtiyor Abdubannonov, 10. Abror Rahmonov, 15. Ibrohim Ahmadjonov, 25. Ismoil Oxunjonov, 28. Avaz Mamatxo‘jayev, 29. Iqbol Malikjonov, 75. Xushnud Avilov.
Zaxira: 1. Muhammadali Sobirov, 9. Ramzbek Isaqov. 11. Ibrohim Usmonov, 22. Muslimbek Mansurov, 31.Sardor Isaqov, 33. Ibrohim Muxtorov, 70. Dadaxon Sulaymonov.
