Londoning "Vest Hem Yunayted" jamoasi bosh murabbiy Slaven Bilich rasman o‘z vazifasidan ozod qilindi. Bu haqida klub rasmiy saytida e’lon qilindi.
"Bolg‘achilar" jamoasi APLda keyingi 4 turda g‘alaba qozona olmadi va ayni vaqtda 9 ochko bilan autsayderlar qatoridan chiqib keta olmayapdi. O‘tgan hafta dam olish kunlarida esa Bilich shogirdlari o‘z maydonida "Liverpul"ga 1:4 hisobida imkoniyatni boy berib qo‘yishdi.
Ushbu mavsum klub yaxshi natijalarga erishishi uchun jamoa rahbariyati transferlar oynasida ham faol bo‘lishgan edi. Biroq bu "Vest Xem"ning o‘yiniga ijobiy ta’sir ko‘rsatmadi.
Slaven Bilich 2015-yilda jamoa bosh murabbiyi bo‘lgan edi.
Ushbu xorvatiyalik mutaxassis o‘rnini Devid Moyes egallashi kutilmoqda va 54 yoshli mutaxassis bilan mavsum oxiriga qadar shartnoma tuzilishi kutilmoqda.
