Лондонинг "Вест Ҳэм Юнайтед" жамоаси бош мураббий Славен Билич расман ўз вазифасидан озод қилинди. Бу ҳақида клуб расмий сайтида эълон қилинди.
"Болғачилар" жамоаси АПЛда кейинги 4 турда ғалаба қозона олмади ва айни вақтда 9 очко билан аутсайдерлар қаторидан чиқиб кета олмаяпди. Ўтган ҳафта дам олиш кунларида эса Билич шогирдлари ўз майдонида "Ливерпуль"га 1:4 ҳисобида имкониятни бой бериб қўйишди.
Ушбу мавсум клуб яхши натижаларга эришиши учун жамоа раҳбарияти трансферлар ойнасида ҳам фаол бўлишган эди. Бироқ бу "Вест Хэм"нинг ўйинига ижобий таъсир кўрсатмади.
Славен Билич 2015-йилда жамоа бош мураббийи бўлган эди.
Ушбу хорватиялик мутахассис ўрнини Дэвид Мойес эгаллаши кутилмоқда ва 54 ёшли мутахассис билан мавсум охирига қадар шартнома тузилиши кутилмоқда.
