Portugaliyalik murabbiy “Real”ni 2012-yilda La Ligada chempion qilganidan keyin, klubni uzoq vaqt boshqarishi taxmin qilingan edi. Biroq u chempionlikdan 12 oy o‘tar-o‘tmas jamoadan ketishga majbur bo‘lgandi. Hozirgi kunda Zidanning “Real”ida ham xuddi shu ssenariy takrorlanmoqda. Goal tahlilchisi Ben Xeyvard shu ikki murabbiy qo‘l ostidagi “Real”ni parallel ravishda taqqoslab ko‘rdi.
“Real Madrid” hozirgidek oldin ham bo‘lgan. “Los Blankos” 2012-13-yilgi mavsumni ham omadsiz boshlagan edi, Joze Mourinyo shogirdlari La Ligadagi kurashdan erta chiqib ketgandi, oqibatda portugaliyalik mutaxassis jamoani tark etgandi. Bu safar endi Zinedin Zidan bosim ostida qolgan.
Mourinyo La Ligani yutib, klub bilan uzoq yillik shartnomaga imzo qo‘ygan edi. Bu bir o‘zgacha narsaning boshlanishi, deya qaralgan edi. Sababi “Real Madrid” axiyri “Barselona”ning hukmronligiga nuqta qo‘yib, o‘zinikini qurgandek edi. Aksincha, tartibsizlik boshlanib ketdi.
“Real” 2012-13-yilgi masumni Ispaniya Superkubogida “Barselona”ni yengish bilan boshlagandi. Bu hukmronlikning debochasi edi go‘yo. Ammo La Liganing 10-turidan keyinoq “ko‘k-anorranglilar” peshqadam bo‘lib olishdi. Madridliklar chempionlik poygasida ularga yetib olisholmadi va boshlangan kurash Qirol Kubogi finalida “Atletiko”dan uchralgan mag‘lubiyat bilan yakun topdi. Kamiga, Chempionlar Ligasi yarim finalida “Borussiya Dortmund”dan yengildi.
“Men ketgach Madrid yo‘q bo‘lib ketishga tayyor ...
