O‘zbek futbolining afsonaviy himoyachilaridan bo‘lgan Asror Aliqulov JFL in Tashkent bolalar maktabida germaniyalik murabbiy o‘tkazadigan seminar haqida fikr bildirdi. Asror Aliqulov ayni vaqtda "Sho‘rtan" klubi murabbiylar shtabida faoliyat yuritmoqda va Germaniyadan tashrif buyuradigan Xerald Fris ishtirokidagi seminarda qatnashadi.

— Asror aka, siz tajribali mutaxassislar sirasiga kirasiz. Bolalar murabbiylari uchun tashkil etiladigan seminarga qiziqishingizga nima sabab bo‘ldi?
— Yurtimizga xorijdan murabbiy kelib, seminar o‘tkazadigan bo‘lsa, ishtirokr etish kerak. Chunki o‘rganadigan narsa har doim topiladi. Buning ustiga Germaniya futboli qanchalik rivojlanganini hammamiz yaxshi bilamiz. Nemis futboli tajribasini o‘rganish qiziqarli bo‘ladi. Fursatdan foydalanib bizga shunday sharoit yaratib bergani uchun JFL in Tashkent futbol maktabiga minnatdorchilik bildirmoqchiman. Men uzoq yillardan buyon futbol ichidaman, ammo nemis mutaxassisidan o‘rganadigan narsa albatta topilishiga ishonaman.

— O‘zbekistonda avval ham shunga o‘xshash seminarlar o‘tkazilganmi?
— Ochig‘i, shaxsan o‘zim eslay olmayman. To‘g‘ri, xorijlik mutaxassislar o‘zbek futbolchilariga qiziqib kelib, o‘yinlarini kuzatishganini ko‘rganman. Ammo bizga biror narsa o‘rgatib ketishmagan. Menimcha bunaqasi birinchi marta bo‘lyapti.

Eslatib o‘tamiz, JFL in Tashkent futbol maktabida Xerald Frits tomonidan o‘tkaziladigan seminar ertaga boshlanadi va 20 kun davom etadi. Seminarda ishtirok etishni istaganlar +99895 1959890, 83712689438, +99890 9999890 raqamlariga qo‘ng‘iroq qilishi mumkin.