Oliy liganing 28-turida "Lokomotiv" - "Buxoro" (2:0) uchrashuvidan keyingi matbuot anjumanida "temiryo‘lchilar" ustozi Andrey Miklyayev jurnalistlar savollariga javob berdi:
"Bugungi g‘alaba uchun shogirdlarimga katta rahmat aytaman. Umuman olganda ikki xil taymning guvoxiga aylandik. Himoyada ham xatolarga yo‘l qo‘ydik, undan tashqari ko‘plab yaratgan vaziyatlarimizdan foydalana olmadik. Bugun "Dinamo" ham g‘alabaga erishdi. Endi ularda imkoniyat paydo bo‘ldi va bizga qarshi ikki karra kuch bilan o‘ynashadi.
"Lokomotiv" ikki mavsumdan beri kuchli o‘yin ko‘rsatayotganining sababi - jamoaning ichki muxiti xavas qilarli darajada. Kelishmovchilik va nizolar yo‘q. Mana shunday jihatlar ham jamoaning g‘alabasida katta va muxim rol o‘ynaydi.
Kim 2-o‘rinni oladi? Shaxsan menga "Nasaf"ning o‘yinlari juda yoqadi. Biroq futbol shunday narsaki, unda har doim ham bir tekis o‘yin ko‘rsata olmaysan. "Nasaf" ham oldinda "Paxtakor"ga mag‘lub bo‘lishi va 2-o‘rindan ham tushib ketishi mumkin", - deydi Miklyayev.
