Олий лиганинг 28-турида "Локомотив" - "Бухоро" (2:0) учрашувидан кейинги матбуот анжуманида "темирйўлчилар" устози Андрей Микляев журналистлар саволларига жавоб берди:
"Бугунги ғалаба учун шогирдларимга катта раҳмат айтаман. Умуман олганда икки хил таймнинг гувохига айландик. Ҳимояда ҳам хатоларга йўл қўйдик, ундан ташқари кўплаб яратган вазиятларимиздан фойдалана олмадик. Бугун "Динамо" ҳам ғалабага эришди. Энди уларда имконият пайдо бўлди ва бизга қарши икки карра куч билан ўйнашади.
"Локомотив" икки мавсумдан бери кучли ўйин кўрсатаётганининг сабаби - жамоанинг ички мухити хавас қиларли даражада. Келишмовчилик ва низолар йўқ. Мана шундай жиҳатлар ҳам жамоанинг ғалабасида катта ва мухим роль ўйнайди.
Ким 2-ўринни олади? Шахсан менга "Насаф"нинг ўйинлари жуда ёқади. Бироқ футбол шундай нарсаки, унда ҳар доим ҳам бир текис ўйин кўрсата олмайсан. "Насаф" ҳам олдинда "Пахтакор"га мағлуб бўлиши ва 2-ўриндан ҳам тушиб кетиши мумкин", - дейди Микляев.
