“Nyukasl” klubi bosh murabbiyi Rafael Benites APlning 12-turidan o‘rin olgan “Manchester Yunayted”ga qarshi uchrashuv haqida o‘z fikrlarini bildirib o‘tdi.

“Biz bugungi o‘yinda uch ochko ishlashni maqsad qilganmiz. Ha, ulardan ochko olishning o‘zi juda qiyin, chunki Angliyaning eng kuchli jamoalaridan biri bilan kuch sinashamiz. Raqib ko‘p gol urish bilan birga o‘z darvozasidan kam gol o‘tkazib yuborgan.

G‘alaba qozonish uchun gol urish kerak, gol urish uchun hujum uyushtirish darkor. Butun o‘yin davomida hujum uyushtiramizmi? Albatta, raqibni tor-mor etishni istaymiz, lekin kuchimiz bunga yetarmikin”, - deydi Benites.

Eslatib o‘tamiz,           “Manchester Yunayted” – “Nyukasl” uchrashuvi bugun, Toshkent vaqti bilan 22:30 da boshlanadi.