“Ньюкасл” клуби бош мураббийи Рафаэль Бенитес АПлнинг 12-туридан ўрин олган “Манчестер Юнайтед”га қарши учрашув ҳақида ўз фикрларини билдириб ўтди.

“Биз бугунги ўйинда уч очко ишлашни мақсад қилганмиз. Ҳа, улардан очко олишнинг ўзи жуда қийин, чунки Англиянинг энг кучли жамоаларидан бири билан куч синашамиз. Рақиб кўп гол уриш билан бирга ўз дарвозасидан кам гол ўтказиб юборган.

Ғалаба қозониш учун гол уриш керак, гол уриш учун ҳужум уюштириш даркор. Бутун ўйин давомида ҳужум уюштирамизми? Албатта, рақибни тор-мор этишни истаймиз, лекин кучимиз бунга етармикин”, - дейди Бенитес.

Эслатиб ўтамиз,           “Манчестер Юнайтед” – “Ньюкасл” учрашуви бугун, Тошкент вақти билан 22:30 да бошланади.