«Барселона»нинг нақ уч нафар футболчиси «эл-класико» арафасида дисквалификация қилиниш хавфи остида турибди. Гап Рафинья Диас, Френки де Йонг ва Марк Берналь ҳақида кетмоқда — агар ушбу учлик «Осасуна»га қарши бугунги ўйинда сариқ карточка олса, Мадриднинг «Реал» клуби билан бўладиган навбатдаги баҳсни ўтказиб юборишади.
«Осасуна» — «Барселона» учрашуви Тошкент вақти билан соат 00:00 да бошланади. Каталония гранди учун уй учрашуви ҳисобланган «қаймоқранглилар»га қарши баҳс эса 10 май куни айнан шу вақтда бўлиб ўтади.
Айни дамда Ханс-Дитер Флик шогирдлари Ла Лига турнир жадвалида пешқадамлик қилмоқда ва чемпионат якунига беш тур қолганда «Реал»ни 11 очкога ортда қолдиришмоқда.
