Мадриднинг «Реал» клуби ҳужумчиси Гонсало Гарсия трансфер бозорида жуда катта талабга эга бўлиб турибди. Испаниялик футболчи «қаймоқранглилар»нинг асосий таркибидан жой олиши қийин, бироқ бошқа жамоада ўз имкониятларини кўрсатиш учун яхши имкониятга эга.
Нуфузли инсайдер Фабрицио Романонинг берган маълумотларига кўра, ҳужумчига ўндан ортиқ клуб қизиқиш билдирмоқда. Аввалроқ Дортмунднинг «Боруссия»си, «Ювентус», «Рома» ва Англия Премьер-лигасининг бир қатор номаълум вакиллари Гарсияни ўз сафига қўшиб олмоқчи экани хабар қилинганди.
Transfermarkt талқинига кўра, 22 ёшли футболчининг бозор қиймати 35 миллион еврони ташкил этади.
