«PSJ» yulduzi Neymar «Oltin to‘p»ni qo‘lga kiritish bosh orzularidan biri ekanligini yashirmadi.
«Asosiy maqsadim shu. «Oltin to‘p»siz qolishni sira istamayman. To‘g‘ri, bu sovrin birinchi darajali masala emas.
Zero, avvalo, jamoamiz muvaffaqiyatini o‘ylashimiz kerak. Barchamiz «PSJ» CHLda g‘olib chiqishga qodirligini isbotlashni xohlaymiz».
Darvoqe, Neymar va «PSJ» o‘rtasida tuzilgan shartnomada tovon puli belgilangani ma’lum bo‘ldi. Ispaniya matbuotining aniqlashicha, 25 yoshli futbolchi transferi yo‘lida 222 million yevro to‘lashga rozi klub topilsa, u Parijdan bemalol ketishi mumkin.
«PSJ» uning uchun «Barselona»ga aynan shuncha bergandi. Gap shundaki, oldinroq «Real» prezidenti Florentino Peres braziliyalikni Krishtianu Ronalduga o‘rinbosar sifatida sotib olishni o‘ylayotgani haqida xabarlar tarqalgandi.
