«ПСЖ» юлдузи Неймар «Олтин тўп»ни қўлга киритиш бош орзуларидан бири эканлигини яширмади.
«Асосий мақсадим шу. «Олтин тўп»сиз қолишни сира истамайман. Тўғри, бу соврин биринчи даражали масала эмас.
Зеро, аввало, жамоамиз муваффақиятини ўйлашимиз керак. Барчамиз «ПСЖ» ЧЛда ғолиб чиқишга қодирлигини исботлашни хоҳлаймиз».
Дарвоқе, Неймар ва «ПСЖ» ўртасида тузилган шартномада товон пули белгилангани маълум бўлди. Испания матбуотининг аниқлашича, 25 ёшли футболчи трансфери йўлида 222 миллион евро тўлашга рози клуб топилса, у Париждан бемалол кетиши мумкин.
«ПСЖ» унинг учун «Барселона»га айнан шунча берганди. Гап шундаки, олдинроқ «Реал» президенти Флорентино Перес бразилияликни Криштиану Роналдуга ўринбосар сифатида сотиб олишни ўйлаётгани ҳақида хабарлар тарқалганди.
