«Ан-Наср» ҳужумчиси Криштиану Роналду Осиё Чемпионлар лигаси 2 финалида Sofascore портали томонидан энг паст баҳони олди. Унинг жамоаси Япониянинг «Гамба Осака» клубига 0:1 ҳисобида мағлуб бўлди. Учрашув Саудия Арабистонидаги «Кингдом Арена» стадионида бўлиб ўтди.
Португалиялик футболчи 5,9 балл олди — бу асосий таркибдаги 22 футболчи ва алмаштиришга чиққан 10 ўйинчининг барчаси орасида энг паст кўрсаткич бўлди.
Қўлдан чиқарилган ушбу соврин Роналду учун Саудия Арабистонига кўчиб ўтганидан бери мумкин бўлган 14 та совриндан 14-йўқотилган финал бўлди.
21 май, пайшанба куни Саудия Про-Лигасининг 2025/2026 мавсуми якунланади. «Ан-Наср» (83 очко) турнир жадвалида 1-ўринда бормоқда ва «Ал-Ҳилол» (81 очко)дан 2 очко олдинда турибди.
