“Bunyodkor” – “Buxoro” uchrashuvidan keyingi matbuot anjumanining ikkinchi qismida “qaldirg‘ochlar” ustozi ishtirok etdi.

- O‘zimiz istagandek chiroyli o‘yin bo‘ldi. Bahs davomida kerakli pressing, to‘pni nazorat qilish, pozision hujum hamda qarshi hujumlarda yaxshi o‘yin ko‘rsatdik.

Shuningdek, futbolchilarimiz bir-birlarini juda yaxshi tushunishib va qo‘llab-quvvatlab to‘p tepishdi. Kombinasiyalarimiz ham yaxshi rivoj oldi.

Umuman olganda, o‘yindan ham, natijadan ham qoniqish hosil qildim. Biz doimo oxirigacha kurashishga va har safar g‘alaba qozonishga intilamiz, - deydi Mirjalol Qosimov.