Madridning «Real» klubi Vinisius Junior jamoadan ketgan taqdirda qo‘llaniladigan rejani ishlab chiqmoqda. Futbolchi hanuzgacha shartnomani uzaytirmadi va faoliyatini davom ettirish uchun boshqa variantlarni ko‘rib chiqmoqda.
Insayder Ruben Martinning xabar berishicha, «Real» Vinisius o‘rniga asosiy nomzodni topgan. Braziliyalik futbolchi ketgan taqdirda, «qaymoqranglilar» «Arsenal»dan Gabriel Martinellini o‘z safiga qo‘shib olishlari mumkin.
Ta’kidlanishicha, «Real» Bredli Barkolyaga ham qiziqish bildirgan edi. Ammo «PSJ» u uchun 170 million yevro so‘rayotgani sababli bu transfer amalga oshishi dargumon.
