Madridning “Real” klubi Yevropa Chempionlar Ligasi 5-turida APOEL mehmoni bo‘ladi.
Qirollik klubi bosh murabbiyi Zineddin Zidan mazkur uchrashuvda maydonga tushishi mumkin bo‘lgan 20 nafar futbolchi ro‘yxatini e’lon qildi.
Ro‘yxatdan “Atletiko”ga qarshi uchrashuvda jarohat olgan Serxio Ramos o‘rin egallamadi. Madridliklar sardori Ispaniya La-Ligasining 13-turini ham o‘tkazib yuborishi mumkin.
Quyida ular bilan tanishishingiz mumkin:
Darvozabonlar: Kasilya, Moxa.
Himoyachilar: Karvaxal, Valyexo, Varan, Nacho, Marselo, Teo Ernandes, Ashraf Hakimi.
Yarim himoyachilar: Kroos, Modrich, Kasemiro, Lyorente, Asensio, Isko, Sebalyos.
Hujumchilar: Ronaldu, Benzema, Lukas Vaskes, Borxa Mayyoral.
Ma’lumot uchun, APOEL – “Real” bahsi 22 noyabr kuni Toshkent vaqti bilan soat 00:45 da boshlanadi.
