Yevropa Chempionlar Ligasining 5-turidan o‘rin olgan “H” guruhidan o‘rin olgan barcha uchrashuvlar yakunlandi.
Kiprga safar uyushtirgan Madridning “Real” klubi APOEL darvozasiga javobsiz oltita gol urgan bo‘lsa, “Tottenxem” “Borussiya” ustidan irodali tarzda g‘alaba qozondi.
“Qirollik klubi” futbolchilari birinchi bo‘limning o‘zida APOEL darvozasiga to‘rtta gol urishni uddasidan chiqishdi.
Jumladan, Karim Benzema dubl muallifiga aylangan bo‘lsa, Modrich va Nacholar ham o‘z nomlarini tabloga yozib qo‘yishdi.
Tanaffusdan so‘ng madridliklarning yulduz futbolchisi Krishtianu Ronaldu Benzema kabi dubl muallifiga aylandi. Shuningdek, bugun, har ikki futbolchi bittadan golli uzatmaga ham mualliflik qilishdi.
Guruhning yana bir o‘yinida “Tottenxem” safarda Dortmundning “Borussiya” klubini 2:1 hisobida mag‘lubiyatga uchratda.
Dastlab, 31-daqiqada Pyer-Emerik Obameyyang hisobni ochgandi, biroq mehmonlar ikkinchi bo‘limda Xarri Keyn va Son Xyon Minlarning gollari evaziga uch ochkoga ega bo‘ldi.
Har ikki golga assistent vazifasini yarim himoyachi Dele Alli qoyilmaqom tarzda bajarib berdi.
Shu tariqa, “Real” 5-tur yakuniga ko‘ra, muddatidan oldin pley-off yo‘llanmasini qo‘lga kiritgan bo‘lsa, “Tottenxem” bugungi g‘alabadan so‘ng guruhda birinchi o‘rinni mustahkamladi. “Borussiya” esa 2 ochko bilan uchinchi o‘rinda qolib ketdi.
“N” guruhi.
APOEL – “Real” 0:6.
Gollar: Modrich 23, Benzema 39, Nacho 41, Benzema 45+1, Ronaldu 49, Ronaldu 54.
APOEL: Nauzet, Vuros, Karlao, Lago, Rayeda, Aloneftis, Vinisius (Farias 59), Zohid, Moraish (Ebesilio 66), Sallay (Efrem 60), Pote.
“Real”: Kasilya, Varan, Karvaxal, Marselo (Ernandes 58), Nacho, Asensio, Kroos (Sebalyos 58), Modrich, Benzema (Mayoral 64), Vaskes, Ronaldu.
Ogohlantirish: Karvaxal 90.
***
“Borussiya” D – “Tottenxem” - 1:2.
Gollar: Obameyang 31 - Keyn 49, Son Xyon-Min 76.
“Borussiya” D: Byurki, Bartra, Gerreyru, Zagadu, Tolyan, Shmelser, Vaygl, Getse, Kagava, Yarmolenko, Obameyang.
“Tottenxem”: Lyoris, Vertongen, OrYE, Rouz, Sanches, Alli, Dayer, Uinks, Eriksen, Keyn, Son Xyon-Min.
Ogohlantirishlar: Shmelser 52, Tolyan 90+6.
| № | Jamoa | O‘ | O |
|---|---|---|---|
| 1 | Tottenhem | 5 | 13 |
| 2 | Real Madrid | 5 | 10 |
| 3 | Borussiya D | 5 | 2 |
| 4 | APOEL | 5 | 2 |
