O‘zbekiston Futbol Federasiyasi xodimlar malakasini oshirish, o‘z kasbining mutaxassisi bo‘lgan insonlar federasiya tarkibida ishlashini ta’minlash maqsadida o‘zbekistondagi murabbiylar, hakamlar va viloyat futbol federasiyalari xodimlarini attestasiyadan o‘tkazilishini ma’lum qiladi.
Attestasiya davomida murabbiy, hakamlar va federasiya xodimlarining kasbiy mahorati, bilimi, jismoniy holati maxsus tuzilgan komissiya a’zolari tomonidan sinovdan o‘tkaziladi.
Attestasiyadan muvaffaqiyatli o‘tgan xodimlar o‘z faoliyatlarini davom ettirish imkoniyatiga ega bo‘lishadi. Attestasiyadan o‘tolmagan murabbiy, hakamlar va federasiya xodimlariga faoliyatlarini davom ettirishga ruxsat berilmaydi.
Bu kabi chora-tadbirlardan maqsad O‘zbekiston Futbol Federasiyasi tarkibidagi xodimlarning mahoratlarini oshirish, ularning o‘z ustilarida ishlashga yo‘nalish berishdan iborat.
