Bu yilgi chempionatning so‘nggi turida jamoamiz Namanganda, “Navbahor” jamoasi bilan bahs yuritadi. Mazkur jamoalar milliy chempionatdagi o‘zaro 42-uchrashuvida maydonga tushishadi.
Uchrashuv anonsi
O‘zPFL, 30-tur
“Navbahor” (Namangan) – “Nasaf” (Qarshi)
25.11.2017. “Markaziy" stadion. 14:00da
Bosh hakam: Temurbek To‘xtasinov (Andijon)
Qanot hakamlari: Anvarjon Marajabov (Andijon), Ziyodullo Abdurahmonov (Andijon)
Zaxira hakami: Olim To‘ychiboyev (Farg‘ona)
Nazoratchi: Rashid Aytekov (Toshkent)
O‘zPFL vakili: B. Namozov.
O‘zaro uchrashuvlarga oid ma’lumotlar
Ushbu jamoalarning o‘zaro uchrashuvlari doimo keskin va murosasiz bo‘lgan. Jamoamiz bu yilgi chempionatda “Navbahor”ni o‘z maydonida 4:0 hisobida mag‘lub etgan edi.
Navbatdagi uchrashuv jamoalarning chempionatdagi o‘zaro 42-o‘yini sifatida qayd etiladi. Bungacha jamoalar 41 bor o‘zaro kuch sinashishgan. 22 uchrashuvda “ajdarlar” g‘alabaga erishishgan. 10ta o‘yinda “lochinlar”ning qo‘li baland kelgan. Qolgan 9ta bahsda jamoalar murosa ko‘chasini tanlashgan. To‘plar nisbati 59-75 “Nasaf” foydasiga.
O‘zaro uchrashuvlarda “Navbahor” 39 ochkoni, “Nasaf” esa 75 ochkoni qo‘lga kiritgan. Ushbu jamoalarning o‘zaro uchrashuvlarida eng yirik 6:0 hisobi qayd etilgan. Bu hisoblar Namangan va Qarshida ham qayd etilgan.
Namanganda bo‘lgan o‘zaro uchrashuvlar haqida
Mazkur jamoalar bungacha Namanganda 20 marta kuch sinashishgan. Navbatdagisi o‘zaro 21-uchrashuv bo‘ladi. Bo‘lib o‘tgan 20ta uchrashuvning 8tasida “Navbahor” g‘alabaga erishgan. 4tasida “ajdarlar” g‘alaba qozongan. 8 uchrashuvda murosa ko‘chasi tanlangan. Namangandagi o‘zaro uchrashuvlarda darvozalarga 65ta to‘p kiritilgan. To‘plar nisbati 41-24 “Navbahor foydasiga.
Namangandagi o‘zaro uchrashuvlarda “Navbahor” jamoasi “Nasaf”ni so‘nggi bor 2014 yili mag‘lubiyatga uchratgan. “Nasaf” esa Namangandan so‘nggi bor 2013 yili uch ochko bilan qaytgan. Keyingi ikki yilda jamoalar Namanganda o‘zaro durang o‘ynashgan.
2001 yili Namanganda bo‘lgan o‘zaro uchrashuvda darvozalarga eng ko‘p, sakkizta to‘p kiritilgan. Bu uchrashuvda “Navbahor” 6:2 hisobida g‘alabaga erishgan.
Namanganda o‘tkazilgan so‘nggi besh uchrashuv natijasi
11.06.2016. “Navbahor” - “Nasaf” 2:2
10.05.2015. “Navbahor” - “Nasaf” 1:1
06.04.2014. “Navbahor” - “Nasaf” 1:0
30.03.2013. “Naavbahor” - “Nasaf” 1:2
03.09.2012. “Navbahor” - “Nasaf” 1:2
“Navbahor” jamoasi to‘purarlari
“Navbahor” jamoasining ayni damda to‘purarlari ro‘yxatini Azizbek Turg‘unboyev boshqarib kelmoqda, u hozircha raqiblar darvozasini 8 marta ishg‘ol qilgan. To‘purarlar ro‘yxatining 2-o‘rnida serbiyalik futbolchi Nemanya Yovanovich bormoqda. Bu futbolchi hisobida 7ta to‘p bor.
Jamoalarning yoshlari o‘rtasidagi uchrashuv, 24 noyabr juma kuni To‘raqo‘rg‘ondagi stadionda soat 14:00da boshlanadi.
