Kelasi yildan boshlab Superliga va Pro-liga klublarida ishtirok etadigan futbolchilarning jismoniy holati O‘zbekiston Futbol Federasiyasi tomonidan tasdiqlangan test-sinovlari orqali nazorat qilib boriladi.
Mazkur test- sinovlari tizimi O‘zbekiston Futbol Federasiyasining Texnik bo‘limi ilmiy-metodik guruhi mutaxassislari tomonidan ishlab chiqildi.
Maxsus sinovlar mavsum davomida tasdiqlangan reja asosida uch marotaba o‘tkaziladi va natijalari tahlil qilib boriladi. Test-sinovlari maxsus innovasion texnologik vositalar orqali o‘tkazilishini ham alohida ta’kidlab o‘tish kerak.
Sinovlardan muvaffaqiyatli o‘tgan futbolchilar o‘z klublari tarkibida Superliga va Birinchi liga bahslarida ishtirok etishlari mumkin. Sinovlardan o‘tolmagan futbolchilarni esa chempionat o‘yinlaridan chetlashtirish ko‘zda tutilgan.
