Madridning “Real” klubi bosh murabbiyi Zineddin Zidan Garet Beylga haliyam ishonishini aytdi.

“Beylning jamoaga hali ko‘p foydasi tegadi, axir u kuchli futbolchi, yuqori iqtidor sohibi sanaladi.

Beyl “Real”ga kerak va buni o‘zi ham juda yaxshi biladi. Uning o‘yinga bo‘lgan avvalgi ishtiyoqini yana qaytarishimiz kerak.  

Garetning qachon  maydonga qaytishini aniq bilmayman, lekin u hozircha o‘zini yaxshi his qilmoqda. Jarohatidan tiklanishi uchun esa o‘ncha ko‘p vaqt ketmaydi deb o‘ylayman”, - deydi Zidan.

Eslatib o‘tamiz, Beyl bugun “Real” klubining umumiy mashg‘ulotlariga qaytdi.