«Manchester Siti» bosh murabbiyi Xosep Gvardiola Premyer-Liganing 13-turidan o‘rin olgan «Xaddersfild Taun» klubiga qarshi o‘yin oldidan o‘z fikrlari bilan o‘rtoqlashdi.
“Barcha futbolchilar o‘yinga tayyor. Kecha ular dam olishgan, bugun esa mashg‘ulotlarga kirishadi va kim asosiy tarkibda tushishi oydinlashadi.
O‘tgan mavsum biz «Xaddersfild» klubiga qarshi o‘ynagan edik va raqibni mag‘lub eta olmaganmiz.
Ular maydonida to‘p surish oson emas. «Xaddersfild» o‘z uyida ajoyib o‘yin ko‘rsatadi.
Premyer-Liganing barcha bahslari kabi, biz ham ertaga faqat g‘alaba uchun harakat qilamiz. Kompani esa yakshanba kuni maydonga tushishi mumkin.
Jamoamizning ko‘p futbolchilari to‘p kiritmoqda. Tarkibda bir-ikkita hujumchi bilan sovrinlar uchun kurashishning iloji yo‘q.
Bizning hujumkor yarim himoyachilarimiz va hatto himoyachilar ham gol urishmoqda, bu esa biz uchun juda ham muhim”, - deydi Gvardiola
