«Манчестер Сити» бош мураббийи Хосеп Гвардиола Премьер-Лиганинг 13-туридан ўрин олган «Хаддерсфилд Таун» клубига қарши ўйин олдидан ўз фикрлари билан ўртоқлашди.

“Барча футболчилар ўйинга тайёр. Кеча улар дам олишган, бугун эса машғулотларга киришади ва ким асосий таркибда тушиши ойдинлашади.

Ўтган мавсум биз «Хаддерсфилд» клубига қарши ўйнаган эдик ва рақибни мағлуб эта олмаганмиз.

Улар майдонида тўп суриш осон эмас. «Хаддерсфилд» ўз уйида ажойиб ўйин кўрсатади.

Премьер-Лиганинг барча баҳслари каби, биз ҳам эртага фақат ғалаба учун ҳаракат қиламиз. Компани эса якшанба куни майдонга тушиши мумкин.

Жамоамизнинг кўп футболчилари тўп киритмоқда. Таркибда бир-иккита ҳужумчи билан совринлар учун курашишнинг иложи йўқ.

Бизнинг ҳужумкор ярим ҳимоячиларимиз ва ҳатто ҳимоячилар ҳам гол уришмоқда, бу эса биз учун жуда ҳам муҳим”, - дейди Гвардиола