«Барселона»ни тарк этганидан сўнг, ҳужумчи Роберт Левандовски фаолиятини МЛСда (АҚШ олий лигаси) давом эттириши мумкин.
Таниқли журналист Фабрицио Романонинг ижтимоий тармоқларда хабар беришича, 37 ёшли футболчи агенти Пини Захави билан биргаликда «Чикаго Файр» клуби билан музокаралар ўтказиш учун АҚШга йўл олмоқда.
МЛС клуби трансфер устида фаол ишламоқда ва Левандовскига икки ёки уч йиллик шартнома таклиф қилмоқда. Эътиборли жиҳати, Роберт меҳнат битимининг муддатини ўзи мустақил равишда танлаши мумкин бўлади.
Левандовски «Барселона» таркибида тўрт мавсумни ўтказди.
