Dunyoga mashhur futbolchilarning futbol haqidagi qiziqarli iboralaridan tuzilgan kolleksiyani quyidagi o‘qishingiz mumkin.
Eduardo Da Silva (Braziliya)
- Aslida qanday sodir bo‘lganini yaxshi eslay olmayman. Shunday bo‘lsada, o‘sha daxshatli voqeani qayta ko‘rishga aslo toqatim yo‘q. Yerga qulab tushganimdan keyin oyog‘imga razm soldim va hayratdan qotib qoldim. U umuman boshqa tomonga qarab qolgandi (jarohat olganidan so‘ng).
Antonio Kassano (Italiya)
- Kapello men va Ronaldoni 45 daqiqa davomida mashq qildirdi. Lekin baribir o‘yinga tushirmadi. Shundan keyin men uning yoniga bordim va pastkash ekanligini aytdim («Real»dagi paytida murabbiy Fabio Kapello haqida).
- Ibragimovichda buqaning kuchi bor. Uni hech kim to‘xtata olmaydi. Maydonda ham, uning tashqarisida ham
Luka Toni (Italiya)
- Yodimda, bir safar Van Gal yulduz futbolchilarga ustozlik qilishdan aslo cho‘chimasligini namoyish etishga uringandi. Kutilmaganda shimini yechib, shogirdlariga nimadir dedi. Xayriyatki, men birinchi qatorda emasdim. Shu sababli uning nima qilganini ko‘rmadim. Lekin shunisi aniqki, u - telba mutaxassis! Futbolchilar bilan normal aloqa o‘rnatishni umuman bilmaydi («Bavariya» sobiq hujumchisi Lui Van Gal haqida).
Prins Boateng (Gana)
- Agar «Milan» Skudettoni qo‘lga kiritsa, Maykl Jekson kabi kiyinib, uning eng yaxshi raqslaridan birini ijro etaman - maydonning o‘zida! Zero faoliyatim davomida hali biror jiddiy sovrin yutganim yo‘q. Italiya chempionati esa qandaydir hunar ko‘rsatishga arziydi (2011 yil).
- Hech narsa gapirma. O‘zingning zo‘r futbolchi ekaning haqida umuman gapirma. Jim bo‘l va maydonga tushib, hammasini isbotla.
Mexmet Sholl (Germaniya)
- Men hammadan ko‘ra ko‘proq yadro urishi va yana Kandan qo‘rqaman («Bavariya» sobiq a’zosi, Kanning jizzakiligi haqida).
Lus Pfannenshtil (Germaniya)
- «Geylang» tarkibida eronliklarga qarshi to‘p surish uchun maydonga tushganimda, 100 ming kishilik stadiondagi aqldan ozgan muxlislarning baqir-chaqirlaridan o‘zimni yo‘qotib qo‘yay dedim. Nazarimda men oddiy darvoza oldida emas, balki naq jahannam darvozasi oldida turgandek edim (Germaniyalik posbon, OCHLda Eron klubiga qarshi «Ozodi» stadionidagi o‘yin haqida).
