Prezidentimiz Shavkat Mirziyoyevning 2017 yil 29 noyabrdagi farmoyishiga binoan Konstitusiyamiz qabul qilinganining 25 yilligi munosabati bilan mamlakatimizda amalga oshirilayotgan barcha islohotlarda jonbozlik ko‘rsatib kelayotgan, Bosh qomusimizning hayotimizdagi o‘rni va ahamiyatini keng targ‘ib etish ishiga munosib hissa qo‘shgan bir qator yurtdoshlarimiz qatorida O‘zbekiston Futbol Federasiyasi Prezidenti Umid Ahmadjonov ham "O‘zbekiston Konstitusiyasiga 25 yil" esdalik nishoni bilan taqdirlandi.
Shuningdek, O‘zbekiston Futbol Federasiyasining xodimlari — Muzaffar Qosimov, Shuhrat Shermatov, Diyor Isametdinov, Ma’mur Saidqosimov, Baxtiyor Mametov, Alim Arifov, Shuhrat Saydaliyev, Shamil Iseev, Mardon Ishanjanovlarga ham shunday esdalik nishonlari topshirildi.
Bundan tashqari, ikki nafar FIFA referisi Valentin Kovalenko va Sherzod Qosimovlar ham mana shunday yuksak e’tirofga loyiq deb topilishdi.